I gratuliere dir ganz herzlich zu dim Geburtstag. I möcht de Moment bruche zum dir ganz herzlich Danke sägä für di viele coole Sache, wo mir zämä erlebt hei! I verbringe sehr gern Zyt mit öich beidne.

I ha versuecht mau aui Orte womer si i Sinn cho ufere Charte iztrage, wo mir zämä si gsy. Ha sicher einiges vrgässä, aber mau luege öb du di no a alles erinnerisch😉

Google Maps

Scho ganz lang her

So rund um 2012 bini bi öich am Zuekunftstag gsy. Da mani mi no sehr gued erinnere! Mit dr Immobiliekarriere isches de zwar nüt worde, aber im Büro bini ja trotzdem glandet.

Nebst dem hani ja immer gern mitem Jaguar gspielt bisi z’Gotti aube zum Wahnsinn triebe ha. E schlechti Erinnerig hani ou, bispielswiis wot üses Gummiboot nach mehrfacher Asag dses instabil isch de trotzdem no hesch mögä kaputt mache in Cudrefin ;)

Um die Zyt simer aube ou 2-3 mau i Europapark gfahre, woni aube ou chlei meh Bahne ha wöuä fahre als öich lieb wär gsy :D

Lehrzyt

Ganze 3.5 Jahr hani einisch ir Wuche bi öich dörfä übernachte. Mir hei viu diskutiert, viu isch passiert i dere Zyt - aber mir hei is uf paar Meinigsunterschiede geng super gha u für mi isches e super Abwechslig gsy. Merci viu mau a öich ds dir sone spätpubertierende ufgnoh heit ;)

Dir heit mi ou geng unterstützt, bispielswiis mitem ganze Mediacy Projekt oder ou womer mau e Brandfilm si chö filme zu Nerinvest.

Es si 3.5 Jahr gsy, i cha hie auso nid aues

Nach der Lehr

Ou nach der Lehr heimer viu zämä gmacht! Bike, Tennis, Ässe u witerhin diskutiere ;) I ha öich z’erste Mal chönä zu mir hei ilade, wo der de ou gad no es +1 mitbracht heit ;)

I ha mit dir g’lernt Curry z’choche u ds isch de natürlich ou gad das gsy wases gäh het.

Mir si zämä uf d’Süftenehütte gfahre (ou wes teilwiis meh es Loufe isch gsy), si nöii Restaurant ga probiere u i mire Töffphase bini de ou mau mitem Töff vrbi cho zu öich a See.

Gad ir letschti

Obwohl no einisch witer wäg zogä bi mache mir geng no viu zämä. Mir si zwar chlei weg cho vom Mountainbike u hei das Jahr ize z’erste Mal e Louf zämä gmacht - aber ds macht öpä ke Unterschied.

Mir hei üs super igrichtet, dir chömet mau uf Luzern, ig mau uf Biel oder Bern u so chöimer witerhin über Gott und die Welt diskutiere.

Mir si beidi älter worde - dir heit mi gseh ufwachse u i ha ize doch ou scho es paar Jährli vo öich miterlebt.

<aside> 🎉 Es blibt nume z’sägä, aues guete u uf viel witeri Jahr!

</aside>